Det er mest sutalaust når lausnøen ligg overalt. No byrjar sola å ta i sørvendte bakkar, og vi må finne terreng som peiker pittelitegrann austover eller vestover for upåvirka snø. I morgon; litt meir vest eller aust, i overimorgon meir igjen, og snart har vi berre att godsnøen på nordsidene! Så det er litt trist denne veka midt i februar når sola steiker, vinteren er på ein måte på hell når solskaren dukkar opp. Vi får trøste oss med at det er lettare å gå på skare enn i laussnø, iallefall. Men det er ikkje mykje til trøst...