F I M B U L J O S T E D A L

Deja vu 2011- snøen er bra også i det nye året

2012-01-02T15:25:00.000-08:00

Adventstid i Indre Sogn

2011-12-07T15:17:00.000-08:00

Du og du for ein sesongstart! Det er nesten vanskeleg å peike på noko med skiføret som var feil, og stabilt og fint snødekke.

Tunge tak og anna snø

2011-02-16T08:33:00.000-08:00

Det vert aldri keisamt å skreie i god snø- trur vi. Men ein kan jo verte lei bilete av folk som skreier, det er forståeleg. Så her kjem ein serie med bilete med feller på.

Skredfare? Gå rundt, snu- eller gå under...

2011-02-07T03:42:00.001-08:00

Kåre finn vegen under skredhenget- veeldig elegant og trygt.

Vakker snø i Jostedalsfjella siste veka

2011-02-03T08:02:00.001-08:00

Alvor i Hemsedal

2011-01-31T01:29:00.000-08:00

FimbulJostedal heldt skredkurs i Hemsedal i helga, her oppe i langfjella er skredfaren truande. To snøskred vart løyste av skilauparar i same området på kort tid. Den eine skreda vart varsla frå vår gruppe, då skilauparar vart observerte i bakken nokre minutt før skreda vart observert.
Dette førte til at ein aksjon vart sett i gang, og vi og skredkurset til Bre og Fjell som også var i området var tidleg inne på søk i skreda. Luftambulansen kom etterkvart, og hadde med lavinehund. Tunge, svære blokker på opp til 2x2 meter hadde sklidd på ei hard og isa bane, kollapsen hadde komme i rimen som hadde danna seg i botn av snødekket, kantkorna snø og rennsnø. Løysnekanten var over 2,5m på det tjukkaste, men skreda hadde vorte løyst ut frå tynnare snødekke i ei loside. Skreda var stygg og stor, 70x200m.

Dette vedvarande svake laget slit vi med i månadar enno, også på Vestlandet.

Etter noko detektivarbeid vart aksjonen avslutta, dei 4 skilauparane vart oppspora ved bilen sin på parkeringsplassen. Dei kunne bekrefte dei hadde løyst skreda og ingen andre var i henget då.

Hadde desse ringt inn til politiet med ein gong kunne aksjonen vorte avverga.
http://www.nrk.no/nyheter/1.7485406

Finfint

2011-01-19T10:09:00.000-08:00

Over 800 er det flott snø- ingen vind i snøen i det heile i Jostedalen. Skredfaren er vi usikre på i høgda, men helga sitt skredkurs skal nok få klarheit i det...
Under 800 er regnskaren nedsnødd med omlag 10cm snø, skaren frys stadig fastare kvar dag. Det bryt lite i svingar, med andre ord.
Kvar er dette biletet teke?

Superheltsnø til fjellføre?

2011-01-17T10:33:00.000-08:00

Superheltføret gjer alle til mini-Seth Morrisonar, alt kan hoppast og droppast utan konsekvensar. ( Så lenge skredvurderinga er gjort godt.) Regn nederst i dalen, men snøing frå 500m og opp gjer nok at vi finn det beste føret i fjellet no- i morgon går turen over skog og blautsnøgrensa for å sjekke tilhøva, det vert spanande å sjå korleis fjellet og snøen har endra seg dei siste dagane. Ellers vert det kaldare no, og det er meldt snø, vi har nok godt skiføre heilt ned til dalbotnen om eit par tre dagar.

Det er fint med ei naturleg pause. Her ser de Asbjørn i putedans.

Tivoliskiføret er trua!

2011-01-14T07:25:00.000-08:00

Ein heidundrande fin periode på ski går no over i uvissa- eit mildver kjem inn på søndag og truar med regn. Uansett meldes det snø allereie på mandag att, så evt skare vil snøe ned kjapt.
Det kan verte regn eit stykkje opp, men vi veit jo at yr.no er litt generøse med varmegradane her i dalen.
Rennsnøen i botn har gått av seg sjølv grunna snølast mange stadar. No får ein kanskje berre kontakt med dei svake laga der snødekket er tynt? Uansett vil det nok gå eindel større skred på søndag, spesielt i fjellet i heng mellom 30 og 35 grader.
Uansett:
Vi satsar på ein halvmeter snø istadenfor regn!

Føret held i skogen, men er det vindpakka i fjellet?

2011-01-10T09:59:00.000-08:00

Vi kom oss ikkje over skogen i dag, sterk vind i natt har ført mykje snø inn i lesider og truleg er skredfaren i desse henga stor men avtakande. Kanskje kjem ein seg over skoggrensa på torsdag, då er det meldt finare ver.

Betre skiføre fins ikkje på kloden akkurat no- tippar vi då.

2011-01-08T10:34:00.000-08:00

Det er bra- men det vert betre

2011-01-05T15:20:00.000-08:00

Etter fjorårets katastrofevinter i indre sogn såg vi mørkt på ein ny sesong utan skikkeleg skiføre etter lang kulde og turke i haust. Men no er det bra- sjølv om skredfaren er intenst høg, ein klar 4'ar.

Og med slike meldingar som på det andre biletet vert det nok betre og betre dag for dag, er det fare for.

Hinsides skredfarleg overalt

2011-01-03T15:59:00.000-08:00

Skredfaren er så stor at det er reint latterleg. 20x40m skred utløyst i skogen på 120 meters avstand er ikkje kvardagskost. Skreda går på botn, 60-100cm djupe. Over skogen er det sterkare vindpakka lag som vil føre til større og meir øydeleggande skred, men som sannsynlegvis vil vere bittelitt vanskelegare å løyse ut.
På ein 400høgdemeters tur i dag løyste vi ut omlag 40 skred som kunne ha begreve ein person evt ført ein inni tre med ukjent konsekvens. Laussnøen lavar ned og freistar, men her er det om å gjere å halde tunga rett i munnen.

Vi anbefalar å halde seg langt unna kjende ruter som Vangsen eller Nonskard i Leirdalen. Vær skeptisk til sjølv dei mest brukte rutene framover. Stor avstand til bratte sider, det er fare for luftbårne skred med så mykje laussnø på toppen, og dei går langt og fort.

Flott nytur i Jostedalen

2010-11-08T09:51:00.000-08:00

Enkelte stadar kan det vere umogeleg å køyre på ski anna enn om hausten. Denne staden vert pepra av snøskred i laupet av vinteren, renna vert fylt opp med snø og gjer fallinja annleis. I dag var det opp i 2(!) meter med snø her og dritmoro.

Fyrste turen min

2010-11-05T13:51:00.000-07:00

Meir og betre enn forventa, føret kjem komplett med såle på utvalde høgder over havet, plenty med laussnø og humpeføre, om du ikkje finn plant underlag då! 35cm på 750, omlag 60-70cm i lesider frå 1100 omlag.

Glad gut

Fyste turen from Bjørnar Bjørhusdal on Vimeo.

Feil? side av Vangsen

2010-04-21T14:52:00.000-07:00

Laussnøen held

2010-04-19T12:41:00.000-07:00

Berre litt skyer og genrelt låge temperaturar gjer at laussnøen held godt. Dei beste tilhøva i fjellet i år er NO!

Den som ventar på noko godt etc.

2010-04-18T12:30:00.000-07:00

Tre fjell på tre dagar.

2010-04-17T05:28:00.000-07:00

Skavling i Leirdalen

2010-04-05T15:29:00.000-07:00

Siste dag i påska med det finaste veret i den største skibakken i Noreg?
Det er iallefall god plass i Leirdalen til mange skispor enno, tilsaman hadde omlag 10 personar funne vegen til bakkane under Hest og Nonskard i dag. Vi fekk spadd oss gjennom skavlen ved breen, og trava vidare opp på Hest, det flotte fjellet som også vert nemd som Maurslukaren.
Laussnø av høg klasse i nord- og vestvendte heng, fin slush under omlag 700moh. Ein må rekne med kartongsnø eller skorpe ved feilval av hengretning under nedkøyringa... Lite tegn til ustabilitet, men det drønna godt i snødekket på toppen. Rennsnøen er tilstades over heile fjellet enno. Vi målte snødjupna: 230cm på 1200moh. Det seier litt om kva som er normalen her oppe på ein slik snøfattig vinter.

Skavling på Hest- påskefjell med stor H. For Hest. from Bjørnar Bjørhusdal on Vimeo.

Påskeafta på Hytta

2010-04-03T07:23:00.000-07:00

Påskeafta i Jostedalen- Einar Blikra på Telemark from Bjørnar Bjørhusdal on Vimeo.

Det er berre å komme seg ut,støtt føre, skare med fin laussnø oppå.

Vi møtte ein del folk på vegen, dagens påskequiz er; kven er dette:

Skred tok snowboardar i Vetle Geisdalen

2010-03-30T08:39:00.000-07:00

Vi var oppe og keik på skredet som vart utløyst av ein snowboardar(?) forrige veke. Skreda hadde som dei fleste andre skred om dagen gått heilt på bakken. Mykje stein som stikk opp gjer sjansen for å gå uskadd ut av ei slik snøskrede liten.
Vi grov litt i snøen på 1100moh i dag, det svake rennsnølaget eksisterer i stor grad fortsatt. Pass ekstra godt på etter milde netter, då får ikkje snødekket tid til å stabilisere seg i det heile. Det er fortsatt unormalt stor skredfare i fjellet, sjølv etter kalde netter.

Snøskrekken er framleis til stades from Bjørnar Bjørhusdal on Vimeo.

Svært høg skredfare- gå aldri dit.

2010-03-21T10:01:00.000-07:00

Eit kjempeskred tok med seg heile sida under "super-bowlen" på Vangsen i dag. Skreda vart fjernutløyst frå toppen, vi var omlag 20 meter frå nærmaste løysnekant. Skreda sopte seg ned absolutt heile fjellsida, men gjekk ikkje over oppoversporet vårt, vi gjekk eit svært konservativt spor i dag. Skreda vart til slutt omlag 500 meter brei, og løysnekanten var opp i ca 1 meter tjukk. Den gjekk nesten heilt på bakken, og danna lite blokker, stort sett laus og fuktig snø. Aldri har nokon sett ei slik skrede i Vanndalen?

Så lenge det er mildt er skredfaren ekstrem om dagen, ting går større og lengre enn nokon har sett. Dette gjeld då skilauparutløyste skred. God tur.

Megaskred på Vangsen from Bjørnar Bjørhusdal on Vimeo.

Skredfare og sol

2010-03-05T12:42:00.000-08:00

Untitled from Bjørnar Bjørhusdal on Vimeo.

Fjordalpint

2010-03-04T06:48:00.000-08:00

Jaja, kva heiter dette fjellet då?

For dei som treng spaning i kvardagen eller i helga er jo dette ei nydeleg linje!

Villmannskøyring med helikopter i Vanndalen

2010-03-02T10:13:00.000-08:00

Ein fin skitur til Åsaskaret i dag med Kåre, Atle og Erling utarta seg til det reinaste marerittet for ein fjellskilaupar.
Eit raudt helikopter dukka brått opp, slapp seg ned frå Snipphua sørvest for Vangsen, ned i Skåldalen omlag 50 meter over bakken. Helikopteret fortsette så opp til Åsaskaret, der det heldt ei høgde på omlag 15-20 meter over bakken. Istadenfor å ta høgde, slapp dei seg så lågt ned i Vanndalen.
Den neste herlige manøveren var å peise opp på Mannen, for så å stå der å hovre ei stund omlag 20meter over bakken. Denne hovringa blas opp ein god orkan der oppe, hadde det vore skilauparar der hadde helikopteret blåst dei ned i Geisdalen i verste fall. I beste fall hadde skilauparar som sat og koste seg med kvikklunsjen bak ein stein mista alt skiutsyret sitt.
Dette veit kanskje nokon noko om?

Oppkøyrt!

2010-02-23T09:35:00.000-08:00

Vi er ikkje vande med at noko vert oppkøyrt her i dalen, men no er det så lenge sidan siste snøfall at vi må innrømme at nye oppoverspor snart må brøytast!

Massasje etter skituren

2010-02-22T11:20:00.001-08:00

http://jostedalmassasje.blogspot.com/ gjev massasje under Fjellsportfestivalen.
Ser du sola du ola from Bjørnar Bjørhusdal on Vimeo.

Nokre dagar

2010-02-21T10:16:00.000-08:00

Ein planleggjer turar etter været, men i det siste har dei bomma på vestlandsmeldingen. Eg og Roger planla å ta det med ro i dag, men så skein sola som ho var galen då vi keik ut vindauget- Det eine førde til det andre, og det tredje, og brått var vi ferdige med årets finaste tur. Flaks.

Sol, sukker og sne

2010-02-20T10:31:00.000-08:00

2010-02-19T09:02:00.000-08:00

Det er altfor lite snø i år på Vestlandet. Det er ei sanning, det. Men er det nok? Å ja- bileta er ikkje frå i fjor eller forfjor, dei er i frå i dag. Og tel verkeleg snømengda på bakken så uhorveleg mykje for å få ein, eller mange, fine skiturar? Ser ikkje sånn ut gitt. Det er andre faktorar som er MINST like viktig.

Vi nemner i fleng:

-Ver. Mykje fint ver? Check...
-Sikt. Heng saman med veret, men: lite dis, skyer og snøing, god sikt. Check. Glime heiter det her framme når det er flatt lys, forresten.
-Snøkvalitet. Har vi hatt stort sett mjuk snø i år? STOR-CHECK!! Til og med for mjuk snø vil nokon seie, men det er jo berre å auke midtbreidda på skia for å løyse det problemet. Denne sundfrosne snøen krever svære ski og gode tuppar. Om nokon er i tvil er det betre hald i snøen over skoggrensa. Hugs: laussnø er kvalitet uansett, slush er 2.rangs-skiføre.
-Spor. Varer skispora lenge så ein slepp å slite seg ut på brøyting? Check, det snøar jo aldri... Det tyder at ein kjem potensielt kjem seg lengre på kortare tid. Spander forresten gjerne ein brus på den som brøyta skisporet du går i neste gong du er på Togga, Vangsen, Frudalshesten eller Lioksli. Eller enno betre: brøyt eit flott spor sjølv og tips vedkommande om det!
-Underlag. Er det såle i botn så skia ikkje botnar i stein og anna styggedom? Check- for så vidt, men her i dalen må ein enten lengre fram enn Gjerde eller over 500 for å ikkje botne. Sånn litt på sida: nokon burde ha kjøpt ei skifiksemaskin her i Sogn-

I gamle dagar var alt betre...då gjekk det an å gå på ski ja!
Tja, lat oss kike oss litt attende, om enn ikkje over skuldra:
Om ein tenker attende til 2007-2008 sesongen var det mykje snø, på det meste hadde vi 2m10cm på plenen her 200meter over havet, og i mars/april låg det 3,5m på 1000moh.
Men det var vanskeleg å komme seg til fjells den sesongen. Vi heldt oss stort sett i skogen heile vinteren, det snøa jo i eit sett. I tillegg gjekk snøinga denne sesongen ofte over i regn, eit typisk sydvest-fenomen, og det førte til tung og dårleg snø frå 200moh til omlag 400moh.
Det var med andre ord ein sone frå 400 til skogrensa som genrelt sett var bra. Det har vi sluppe unna i år. Ikkje ei plussgrad eller regndrope på 3-4mnd.

Til slutt, og mest til dei som klagar på lite snø: (Og då snakkar eg ikkje om frikøyringskonken i Sogndal, altså.)
Den som leitar vil finne, tenk nytt og kik deg rundt, det er jo skibakkar overalt!

2010-02-17T11:44:00.000-08:00

Det er mest sutalaust når lausnøen ligg overalt. No byrjar sola å ta i sørvendte bakkar, og vi må finne terreng som peiker pittelitegrann austover eller vestover for upåvirka snø. I morgon; litt meir vest eller aust, i overimorgon meir igjen, og snart har vi berre att godsnøen på nordsidene! Så det er litt trist denne veka midt i februar når sola steiker, vinteren er på ein måte på hell når solskaren dukkar opp. Vi får trøste oss med at det er lettare å gå på skare enn i laussnø, iallefall. Men det er ikkje mykje til trøst...

2010-02-17T11:33:00.000-08:00

Øst meinte vi gjekk austover, men eg meinte vi gjekk nordover på veg til Molden, men vi gjekk ikkje normalvegen vel å merke.
Då vi ikkje hadde kompass eller kart å sjekke himmelretningane med, var det ikkje mykje vits å diskutere, spesielt sidan vi ikkje var sikre på kor mykje klokka var. Så lenge vi gjekk i oppoverbakke ville vi uansett ende opp ved varden, og det hende også.
Det var mest og best snø langs normalvegen, så der for vi nedatt der.

2010-02-13T14:19:00.000-08:00

Skredkurs med Jon, Ingvill, Jonathan og Sander, idag på Vorfjellet i Engjadalen. Undervurdert område!

Emmanuel Mohn ville ikkje ha køyrt ned her heller!

2010-02-10T09:13:00.000-08:00

Seig brøyting om dagen, vi venter på eit godt mildver for å få snøen homogenisert og stø. Tom K. slit seg oppover i solsteiken og laussnøen.
På neste biletet ser Tom opp mot ei linje som det ikkje har vore folk på, men eg ser føre meg ein Henrik eller Steinar eller Seth Morrison ned den ryggen der.
Kunne ha vore eit bra segment i ein film det, med ein 15-20 dropp nedover. Hadde vore flott å lagt inn nokre druge salto-mortalar, skruar, skinevling og baklengjes-skreiing og, om ein hadde vore lysten på slikt. Men ikkje denne karen, han held seg til god, gammaldags laussnøkøyring med eit og anna mislukka sprett no og då. Eg og Emmanuel Mohn.

Breen kallar

2010-02-08T10:19:00.000-08:00

Tuftebreen i skiftande ver, snøbyger og solflekker.

Josteins vanlege synsvinkel, men her er han fremst og brøyter laus sukkersnø med laussnø oppå.

Rockerski, moderne eller gammaldags?

2010-02-07T11:52:00.000-08:00

Rocker, eller lang, slak skitupp, er nok ikkje ei ny oppfinning. Berre sjå på desse skia, omlag 100 år gamle.

Dei er såkalla Jostedalski, er omlag 245cm lange, omlag 10cm breie på midten og smalnar av bakover, eller såkalla "pintail"...

Eg håpar at Onkel Olav kan komme med noko meir info om dei i kommentarfeltet etterkvart, då eg ikkje hugsar bla. kven som laga dei i si tid.
Sist dei var i bruk var sannsynlegvis på Røykjedalen, Per i Grov fortalde at desse skia tok han når det var mykje laussnø. Dei bar godt.
Det trur eg på, for det er ei rimeleg stiv ski, flex-mønsteret er omlag som ei moderne storfjellsski, altså stiv for fart og stabilitet, samstundes som tuppen startar svingen greit. Eg har ikkje prøvd dei enno, eg er litt redd for å knekke dei, men på ein dag med perfekt jamnt føre får vi teste gamleskia.

Rocka ski

Sol og snøbyger

2010-02-07T11:34:00.000-08:00

Flott lys i Vetle Geisdalen i dag.

Trygve vurderer skredfaren, og meiner at det er greit.

Og til slutt eit uskarpt køyrebilete i snørusk.

Isgrotta

2010-02-07T11:02:00.000-08:00

På tur inn breadalen med Wendy og dei fem andre studentane frå Holland og Bergen

Grøndalseggi torsdag

2010-02-04T09:41:00.000-08:00

Bakkedalen i for lite snø

2010-02-03T07:31:00.000-08:00

Dårleg såle gjorde oss lette på foten nedover, spesielt under kloppi. Men fint er det på Bakkedalen.

2010-02-02T17:03:00.001-08:00

Brystcam skiskreiing i Jostedalen from Bjørnar Bjørhusdal on Vimeo.

Sol og lausnø høyrer ikkje i lag, men men.

2010-02-02T09:04:00.000-08:00

Til fjells, på losida.

2010-01-31T09:08:00.000-08:00

Mykje snø og mykje fare

2010-01-29T07:09:00.000-08:00

Drønn og sprekker i snøen gjev oss god grunn til å leggje vinkelen ned på under 30 om dagen. Atle Grov trenar til Birken som de ser på biletet, og nei, det er ikkje kveitemjøl det som ligg på bakken.

Skredfare

2010-01-28T07:08:00.000-08:00

Vi løyste ut eit 5 meters heng på tur i dag, løysnekant opp i 80cm, omlag 20 meter breitt. Skreda kollapsa og sklei på kantkorna snø oppå eit hardare lag, sjølve skreda opp i fingerhard snø. Skummelt!
Skreda var ufarleg for oss i og med at det var eit lite heng, hald avstand til 30graders heng over 5 høgdemeter høge om dagen. Veldig varierande kor mykje det er pakka oppi fjellet no, men grad 4 på utvalde heng. Ikkje overraskande løyste vi skreda bak nordvesten. God tur! Mykje fin snø under 30 også.

2010-01-05T10:02:00.000-08:00

Kalde dagar i fjellet, men kva skal ein gjere anna enn å kle seg.

2010-01-05T09:59:00.000-08:00

Fint i sola i dag på Buskrednosi

2010-01-02T14:09:00.001-08:00

Buskrednosi FimbulJostedal from Bjørnar Bjørhusdal on Vimeo.

2009-12-27T15:25:00.000-08:00

Då var det gjort, skogane er fulle av laussnø. Takk.

Vakker vinter

2009-12-20T08:41:00.000-08:00

Så mykje snø på kaldt ver er ikkje vanleg i desse stroka, dette bør brukast før snøen bles vekk og veggimellom.
God tur, men pass på i bratte heng, det er langt ifrå alt snøterreng som er trygt for menneskeslekta om dagen.

2009-12-18T04:26:00.000-08:00

No er det nokre dagar sidan vi fann denne snøen, men han ligg der oppe og ventar ein stad, det er berre å vere litt lurare enn vinden. Orsak det ukristelege språket no rett før jul.

Førjulsmoro med ukristeleg språk from Bjørnar Bjørhusdal on Vimeo.

Førjulsmoro

2009-12-18T03:39:00.000-08:00

Sjølv om føret i nederste del av skogen let vente på seg er det likevel mogeleg å finne laussnøen i fjellet. Bak austaveret er det mykje bra føre, om det er beskytta i smådalar aller best. Det er ikkje superstabil snø, her i Jostedalen finn vi mykje sketchy skredsnø om dagen, og med denne kulden har vi nok ein rimeleg vedvarande skredfare. Kulden kan og føre til aukande skredfare der snødekket er tynt. Pass på både nordsider og austsider. Om ein berre vert immobilisert etter ein kort rutsjetur er det seriøst i minus 20, for ikkje å snakke om verre scenario. Men det er flott i fjellet- God juletur!

Twitter, anyone?

2009-10-21T16:17:00.001-07:00

Følg skiføre, istilhøve og tullprat på http://twitter.com/Fimbuljostedal

2009-10-15T10:46:00.000-07:00

Fine tilhøve på breen for isklatring. Her klatrar Arne Moe i artige formasjonar.

2009-10-09T06:06:00.000-07:00

Skiturar til fjells i oktober er ikkje vanleg, sjølv ikkje i bygda under breen. Men no ligg det omlag 40cm på Vanndalsvatnet, og Martin har brøyta heilt til tippen, så då må ein på ski. I alle høve med slikt ver og føre som det var i dag. På videoen ser de korleis underlaget er, unngå kular på snøen for å seie det slik...Mot Vangsen såg det ikkje så bra ut, veret har stått frå vest og nord-vest og har ikkje lagt att mykje i nordsida på Vangsen. Det er nok andre turar som er betre i augneblinken. Ellers kan vi melde om faregrad 3 i høve til snøskred i sektor nord til sør-aust. Faktisk.

Oktobersnø i Jostedalen from Bjørnar Bjørhusdal on Vimeo.

2009-10-07T08:31:00.000-07:00

Mot Vanndalen i dag, Arve melder om 35cm med snø på Vanndalen, 1050m.o.h.

2009-10-06T13:12:00.000-07:00

Her er eit bilete frå Krundalen 5. oktober i fjor.

Snøen lavar ned

2009-10-06T07:08:00.000-07:00

Slik ser det ut ved hovudkontoret til Fimbul akkurat no, og brøytebilen går i eit. Det ser ut som at buldresesongen er over...

Snøen legg seg snart

2009-09-24T14:06:00.000-07:00

Snøen er i ferd med å få godt tak i Jostedalen, dette biletet er i frå i fjor vår på Vangsen. I dag har det snøa jamnt på Gjerde, omlag 10 cm her no. I fjellet har det kome meir, men det trengs eindel for å dekke stein i Brebygda.